لاعاد تسألني ؟!!!

‏_‏_____________________________
‏_‏__________________________


لاعاد تسألني عن أيام وأحباب

تعال وأسألني وش اللي جنيته


جنيت من وقتي بهاذيل وأتعاب

وأحباب عمري هدوا اللي بنيته


في هالزمن حتى المناعير ترتاب

والحب صدقه فالبشر مالقيته


لأن البشر صفحة طلاسم من كتاب

ماتفهمه مهما رجعت وقريته


عندي دلايل مالها عد وأحساب

والتجربه برهاني اللي خذيته


هو أختبار وغيب لو مابه أسباب

وجفى حبيبك تكشفه لاجفيته


تلقاه بغيابك يعاشر له أجناب

باعك مع إنك بالموده شريته


ماكنك اللي كنت له ستر وحجاب

ماكنك اللي من حياتك عطيته


صار الهوى لعبه ويحتاج لعاب

مال الوفى داعي مع اللي هويته


الحب صاير شي ماهو بجذاب

كل يوم يدنس ويباع صيته


بعد ماكان أحساس من قلب وعتاب

أصبح مجرد لعب يوم بديته


الحب أطهر من بلوتوث وأعجاب

وأشرف من اللي دنسه في ميته


ياما وفيت وكان صدقي لهم باب

ياما عطيت وحق نفسي نسيته


ماصاب ضني كثر غدرهم صاب

ناموا وأنا ياكم ليل سريته


أصدقهم اللي كان جاحد وكذاب

وأطيبهم اللي باع قلب شريته


مافاد كثر أخلاص قلبي وجاب

غير الألم ووجاع يوم قضيته


والله ماطابت جروحي ولاطاب

هم على ربي بديت وشكيته


ياللي تنشدني عن قلوب الأحباب

هذي نتايج كل قلب أحتويته


‏_‏___________________________
‏_‏_______________________________

~همسه~

عذآآآآب

::حين ترى الغدر في عيون من أخلصت لهم::


عذآآآآب

::حين ترمي الورود فترمى لك الأشواك::


عذآآآآب

::حين تحب شخص وتكتشف
بأنه يحب غيرك::

وقمة العذآآآآب

::حين تذرف دموعك ولاتجد من يمسحها::




</FONT>